ВАЗИРИ КОРҲОИ ХОРИҶИИ ҶУМҲУРИ ТОҶИКИСТОН БА ОСТОНА РАФТ

           Душанбе, 16 октябр, (АМИТ «Ховар» Наргис Бояҳмедова).- 15 октябр вазири корҳои хориҷии Ҷумҳурии Тоҷикистон Ҳамрохон Зарифӣ бо сафари серӯза ба шаҳри Остонаи Ҷумҳурии Қазоқистон рафт.           Имӯз, 16 октябр Ҳамрохон Зарифӣ дар чорабинии 7-уми вазирони корҳои хориҷии Осиё оид ба муколамаи ҳамкориҳо иштирок ва суханронӣ мекунад. Инчунин, худи ҳамин рӯз мулоқоти дуҷонибаи Ҳ. Зарифӣ бо вазирони корҳои хориҷии Куриё, Қатар, Қувайт ва Баҳрайн дар назар аст.           Ҳ. Зарифӣ ҳамчунин дар Форуми вазирони корҳои хориҷии давлатҳои исломӣ ва ғарб, ки 17 октябри соли равон дар Остона баргузор мегардад, иштирок менамояд.           Дар ин бора ба АМИТ «Ховар» аз вазорати корҳои хориҷӣ пурра хабар доданд.