АҲОЛӢ АЗ ОБ ТАНҚИСӢ МЕКАШАД, ИДОРАИ ОБ ҚАРЗАШРО НАМЕПАРДОЗАД

             Душанбе, 14 ноябр. (АМИТ «Ховар», Лаззат Диловарзод).- Бино ба гуфтаи раиси Идораи фаръии обу корези шаҳри Кӯлоб Исмон Ризвонов, истифодабарандагони оби нӯшокӣ аз идораи мазкур ба миқдори 1 миллионуну 450 ҳазор сомонӣ қарздор мебошанд. Идораи обу корез бошад, бо айби сокинони шаҳр аз идораи фурӯши барқ наздик ба 600 ҳазор сомонӣ қарзҳои худро пардохта наметавонад. Идораи фурӯши барқи шаҳр бо сабаби хунукназарии корхонаҳои дар шаҳр буда, ба хусус, муассисаи обу корез ба буҷаи шаҳр маблағи пешбинишударо ворид карда натавонист.              Ҳамзамон, 75 фоизи аҳолии шаҳр аз оби нӯшокӣ танқисӣ мекашад ва муаммои ба манзили зисти шаҳрвандон расонидани оби нӯшокӣ ҳалшуданӣ нест.