КӮЛОБ НАҚШАРО ИҶРО КАРД, ВАЛЕ БА МАРРА НАРАСИД. ЧАРО?

        Душанбе, 27 ноябр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, ноҳияи Кӯлоби вилояти Хатлон 32 хоҷагии пахтакорро муттаҳид сохтааст. Тибқи нақша, соли ҷорӣ ноҳия 10 ҳазор тонна пахта ҷамъоварӣ карданист.       То 11 — уми ноябр аз 32 хоҷагии пахтакори ин ноҳия 19 – тояшон нақшаи ҷамъоварии пахтаро барзиёд иҷро карда бошанд ҳам, бо сабаби дар 12 хоҷагии боқимонда иҷро нашудани нақша, ноҳия ба марра расида натавонист.       Барои ба даст овардани 10 ҳазор тонна пахтаи нақшавӣ боз як ҳазор тонна пахта ҷамъоварӣ кардан зарур аст, ки имкониятҳои ҷамъоварӣ намудани он кайҳо аз даст рафтааст.