МУСОБИҚОТИ ҚАҲРАМОНИИ ТЕННИСИ РӮИ МИЗ АНҶОМ ЁФТ

              Душанбе, 28 ноябр. (АМИТ «Ховар»,  Пайрав  Назаров). —  Дар  пойтахти  мамлакат  мусобиқоти  қаҳрамонии  тенниси  рӯи миз  анҷом  ёфт.  Аз  Кумитаи  кор  бо  ҷавонон,  варзиш ва  сайёҳии  назди  ҳукумати  ҷумҳурӣ  ба  АМИТ «Ховар»  хабар  доданд, ки  дар  мусобиқа дастаҳои  варзишгарони  ҳамаи  минтақаҳои  мамлакат  ширкат  варзиданд.           Дар  байни  мардон  намояндаи  вилояти  Хатлон  Инъом  Саидов  ва  дар  байни  занон  намояндаи   гурӯҳи  ноҳияҳои  тобеи  марказ  Екатерина  Ишенко  ғолиб  омаданд. Аз  рӯи  ҳисоби  умумӣ,  дастаи  мардонаи  вилояти  Хатлон ҷои аввал,  варзишгарони  вилояти  Суғд   ҷои  дуюм ва теннисбозони  пойтахт  ҷои  сеюмро   ишғол  намуданд. Дар  байни  дастаҳои  занона  варзишгарони  вилояти  Суғд  дар  ҷои  якум,  варзишгарони   гурӯҳи  ноҳияҳои   тобеи  марказ  дар  ҷои  дуюм  ва  намояндагони  вилояти  Хатлон  дар  ҷои  сеюм  қарор  доранд.