САРВАРИ ДАВЛАТ ДАР МАРОСИМИ БА ИСТИФОДА ДОДАНИ БИНОИ АСОСИИ ДДТТ ИШТИРОК МЕКУНАД

        Душанбе, 25 ноябр. (АМИТ «Ховар», Ибодат Давлатова).- Президенти Ҷумҳурии Тоҷикистон Эмомалӣ Раҳмон дар маросими ба истифода додани бинои асосии Донишгоҳи Давлатии тиббии ба номи Абӯали ибни Сино ширкат варзида, баъди чанд лаҳза онро расман ифтитоҳ хоҳад кард. Аз вазорати тандурустии ҷумҳурӣ ба АМИТ «Ховар» хабар доданд, ки дар маросими ба истифода додани бинои асосии донишгоҳ кормандони муассисаҳои тиббии шаҳру ноҳияҳо ва вилоятҳои мамлакат, инчунин донишҷӯён иштирок менамоянд. Тавре хабар дода шуда буд, Ҳукумати мамлакат барои барқарор сохтани бинои асосии донишгоҳ бештар аз 14 миллион сомонӣ ҷудо кард.        Бинои асосии Донишгоҳи давлатии тиббиро , ки соли гузашта бар асари сӯхтори шадид нобуд гардида буд, коргарону мутахассисони ширкатҳои сохтмонии «Авторем», «Асос» ва «Сомон- сохтмон» барқарор намуданд. Донишҷӯён ва омӯзгорони донишгоҳ низ дар сохтмони бино саҳми калон гузоштанд.Бояд гуфт, ки ганҷинаи китобхонаи донишгоҳ ва бойгонии он аз сӯхтор наҷот дода шуда буд. Мухбири АМИТ «Ховар» хабар медиҳад, ки бинои Донишгоҳи давлатииё тиббии ба номи Абӯалӣ ибни Сино соли 1939 сохта шуда , яке аз биноҳои кӯҳнатарини пойтахт ба шумор меравад.