СЕМИНАРИ ОБУ ҲАВОШИНОСИ ДАР ДУШАНБЕ

            Душанбе, 27 ноябр. (АМИТ «Ховар», Лаззат Диловарзод).-  Имрӯз дар шаҳри Душанбе семинарии обу ҳавошиносӣ доир мегардад. Семинарро намояндаи Бонки умумиҷаҳонӣ дар якҷоягӣ бо Хадамоти обу ҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон доир менамоянд. Дар ин семинар мавзӯи «Баланд бардоштани самаранокии хизматрасонӣ доир ба пешгӯиҳои обу ҳавошиносӣ дар Ҷумҳурии Тоҷикистон» мавриди муҳокима қарор дода мешавад.         Дар назар аст, ки намояндаи Бонки умумиҷаҳонӣ ҷаноби В.В. Сиркунов оид ба иттилоотонии кишоварзони ҷумҳурӣ  аз офатҳои табии тавассути техникаи ҳозиразамон, кӯмаки Бонки умумиҷаҳонӣ ва донорҳо, ва дар бораи харидани технологияи метеорологӣ дар ҳаҷми 6 млн. доллари амрикои барои обу ҳавошиносони кишвар суханронӣ кунад. Ҳамчунин суханронии сардори Хадамоти обу ҳавошиносии Кумитаи ҳифзи муҳити зист аз рӯи мушкилоти соҳа дар семинар пешниҳод мешавад.