ТАЛАБОТИ АҲОЛӢ БА МАҲСУЛОТ БА НАЗАР ГИРИФТА НАШУДААСТ

       Душанбе, 27 ноябр. (АМИТ «Ховар», Лаззат Диловарзод).- Тибқи маълумоти Кумитаи давлатии омор, то 16 –уми ноябри соли 2008 ҳамагӣ 3584 гектар кишти барвақтии зироатҳои баҳорӣ гузаронида шудааст, ки 953 гектари он ба хоҷагиҳои ҷамъиятӣ ва 2631 гектари дигар ба хоҷагиҳои деҳқонӣ (фермерӣ) тааллуқ дорад.       Дар ин муддат дар вилояти Суғд ба андозаи 148 га дар хоҷагиҳои ҷамъиятӣ ва 270 га дар хоҷагиҳои деҳқонӣ (фермерӣ) кишти барвақтии зироатҳои баҳорӣ гузаронида шудааст.       Дар вилояти Хатлон бошад, 607 га дар хоҷагиҳои ҷамъиятӣ ва 1778 га дар хоҷагиҳои деқонӣ (фермерӣ) кишти зироатҳои баҳорӣ анҷом дода шудааст, ки ин 10 фоизи талаботи аҳолии ҷумҳуриро дар фасли баҳор бо картошка, сабзӣ, карам, турбу шалғам таъмин карда наметавонад.