1 ҲАЗОРУ 900 ШАҲРВАНДИ БЕКОР ЗИЁДА АЗ 2 МИЛЛИОН СОМОНӢ ҚАРЗ ГИРИФТАНД

Душанбе, 2 декабр. (АМИТ «Ховар»,  Лаззат Диловарзод).- Агентии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии ҷумҳурӣ ҷиҳати амалӣ намудани «Барномаи мусоидат ба шуғли аҳолии Ҷумҳури Тоҷикистон барои солҳои 2006 — 2008» қабулгардида як қатор корҳоро анҷом дод. Дар ин муддат Агентӣ  916 нафар шаҳрвандро   тариқи квота ва 22 ҳазору 665 нафарро ба ҷойи кор таъмин намуд. Шумораи 20 ҳазору 346 нафар  шаҳрванд ба корҳои ҷамиятӣ ҷалб гардида, ба 2920 нафар кӯмакпулӣ барои бекорӣ дода шуд. Ҳамчунин, барои 94 ҳазору 228 нафар ҷойҳои нави корӣ  таъсис дода шуд. Агентӣ ҳамчунин барои бо ҷойи кор таъмин намудани наврасон ва ҷавонон тавассути шартномаҳои тарафайн 19 ҳазору 411 нафарро ба корҳои ҷамъиятӣ сафарбар карда  ба 1 ҳазору 900 нафар шаҳрванди бекоре, ки  хоҳиши ба соҳибкорӣ машғул шудан доштанд, 2 млн. 414 ҳазору 59 сомонӣ қарзи имтиёзнок додааст.