ҚАЛОБЗАН БО РОҲИ ФИРЕБ ПУЛРО ГИРИФТУ ҒАЙБ ЗАД, АММО ДАСТГИР ШУД

         Душанбе, 4 декабр. (АМИТ «Ховар», Анварбек Сиддиқов).- Кормандони шӯъбаи корҳои дохилии Сино 1 шаҳрванд Озода Раззоқоваро (соли таваллудаш 1975) дастгир намуданд.        Тавре аз маркази матбуоти ВКД-и ҷумҳурӣ ба АМИТ «Ховар» иттилоъ доданд, номбурда моҳи апрели соли ҷорӣ ба боварии шаҳрванд Пахтагул Қурбонова даромада, бо роҳи қаллобӣ аз ӯ ба маблағи 21 ҳазор доллари амрикоӣ гирифта, ваъда кардааст, ки дар кӯчаи Раҳмон Набиеви пойтахт як хонаи сеҳуҷрагӣ харида медиҳад. Ӯ баъди гирифтани ин маблағ аз Озода Раззоқова, ғайб мезанад. Оид ба ин амал парвандаи ҷиноӣ кушода шуда, тафтиш идома дорад.