ҚИММАТИ СОХТМОНИ «САНГТӮДА-1» НА 600 МИЛЛИОН, 900 МИЛЛИОН ДОЛЛАР АСТ!

           Душанбе, 11 декабр. (АМИТ «Ховар», Лаззат Диловарзод).- Бино ба гуфтаи раиси ширкати «Барқи тоҷик» Шарифхон Самиев, қиммати сохтмони нерӯгоҳи барқи обии «Сангтӯда-1» на 600 миллион, балки ба 900 миллион доллари амрикоӣ мерасад. Ин аз он сабаб аст, ки нархи маҳсулоти сохтмонӣ торафт зиёд мегардад. Алҳол саҳмияи ҷумҳурӣ дар сохтмон 14 фоизро ташкил медиҳад. Сарфи назар аз боло рафтани қиммати маҳсулоти сохтмонӣ, Ҷумҳурии Тоҷикистон бо пардохт кардани маблағҳои иловагӣ на камтар аз 25 фоизи саҳмияҳоро бояд соҳиб шавад.  Ҳар қадаре, ки саҳмияи ҷумҳурӣ дар сохтмонҳои нерӯгоҳҳо зиёд бошад, ҳамон қадар зиёд фоида  ба манфиати ҷумҳурӣ хоҳад буд.