ҲХДТ БА КУЛЛИ СОКИНОНИ БАДАХШОН ХИЗМАТ МЕРАСОНАД

                     Хоруғ, 22 декабр. (АМИТ «Ховар», Л. Додоев).- Дар шаҳри Хоруғ маҷлиси Комиҷроияи вилоятии ҲХДТ баргузор гардид. Дар маҷлис қарор дода шуд, ки минбаъд намояндагони ҳизб дар вақтҳои муайян шаҳрвандонро дар маҳалҳои гуногун қабул намоянд.                   — Вақти он расидааст, ки арзу ниёзи мардумро аз ҳарвақта дида бодиққаттар гӯш кунему барои ҳалли ин ё он мушкилот ба онҳо мадад расонем. Ба ин хотир, мо ба назоратхонаҳои шаҳру навоҳӣ муроҷиат мекунем, то даме, ки мушкилоти ниёзмандон ҳал нашавад. Қабулгоҳи ҳизб танҳо барои аъзои ҲХДТ дар вилоят набуда, барои кулли сокинони Бадахшон хизмат мерасонад,- гуфт раиси Комиҷроияи бахши бадахшонии ҲХДТ Қурбонҳусейн Худоиев.