5500 СОМОНИИ СОКИНИ СУҒДРО БА ЯҒМО БУРДАНД

Душанбе, 10 декабр. (АМИТ «Ховар». Анварбек Сиддиқов).- Сокини ҷамоати Ёваи ноҳияи Бобоҷон Ғафурови вилояти Суғд Абдуғанӣ Абдураззоқови 41-сола ба шӯъбаи корҳои дохилии ҳамин ноҳия шикоят кард, ки 5-6-уми декабри соли ҷорӣ шахсони номаълум ба хонаи ӯ ворид шуда, 1300 сомони пули нақд ва тилловорӣ, ҷамъ ба маблағи 5500 сомонӣ моликияташро ба яғмо бурдаанд. Тавре аз маркази матбуоти ВКД-и ҷумҳурӣ ба АМИТ «Ховар» иттилоъ доданд, кормандони шӯъбаи корҳои дохилии ноҳияи мазкур нисбат ба ин ҳодиса парвандаи ҷиноӣ оғоз карда, корҳои фаврӣ- ҷустуҷӯиро идома дода истодаанд.