БАРРАСИИ НАҚШИ КООПЕРАТИВҲО ДАР ШАРОИТИ МУНОСИБАТҲОИ БОЗАРГОНӢ

        Душанбе, 4 декабр. (АМИТ «Ховар», Наргис Бойахмедова).-Дар Душанбе дар мавзӯи «Нақши кооперативҳои хизматрасон дар шароити муносибатҳои бозаргонӣ» семинар давом дорад. Онро намояндагии Комиссияи Аврупо дар Тоҷикистон баргузор месозад. Ҳадафи семинар бештар сохтани огоҳии мизоҷон ва  муҳокимаи аҳамияти дастгирии афзунтар сохтани фаъолияти кооперативҳои  хизматрасон дар соҳаи кишоварзӣ мебошад. Мухбири АМИТ «Ховар» зикр мекунад, ки  барномаи нави стратегии Иттиҳоди Аврупо ба тавсиаи равобити ҳамкории мамлакатҳои Осиёи Марказӣ ва Аврупо равона карда шудааст. Маблағи кӯмаки Иттиҳоди Аврупо дар давоми солҳои 2007- 2013 ба  мамлакатҳои минтақа то  750 миллион евро меафзояд. Қисми зиёди кӯмаки мазкур ба  Тоҷикистон дода хоҳад шуд.