ДАР АРАФАИ СОЛИ НАВ БИНОҲО БА ИСТИФОДА ДОДА МЕШАВАНД

          Душанбе, 24 декабр. (АМИТ «Ховар», Марзия Саидова).- Дар арафаи Соли Нави мелодии 2009 дар пойтахт 3 бинои 12-ошёнаи 65-ҳуҷрадор ва як бинои 5-ошёнаи 60-ҳуҷрадор воқеъ дар кӯчаи Навбаҳор, ду бинои 9-ошёнаи 80-ҳуҷрадор дар кӯчаҳои Н.Қарабоев ва Ҷомӣ, 2 бинои 5-ошёнаи истиқоматӣ дар маҳаллаи Испечаки пойтахт ба истифода дода мешавад. Ҳамчунин, корҳои мустаҳкамкунӣ ва таъмири асосии мактаби №54-и ноҳияи Сино, сохтмони корпуси иловагии мактаби №5-и ноҳияи Фирдавсӣ ба анҷом расонида мешавад. Инчунин, корҳои муҳандисию коммуникатсионӣ, аз қабили таъмири хати берунаи обпартои қисми марказии шаҳраки 193-и маҳаллаи Ховарон, таъмири асосии Маркази саломатии №6, барқарорсозии дегхона ва низоми дохилии гармидиҳии Маркази саломатии шаҳрӣ, гармидиҳии таваллудхонаи №3-и пойтахт,  барқарорсозии дегхонаи мактаби №75-и шаҳри Душанбе, азнавсозии хиёбони Ҳ. Шерозӣ ва таҷдиди баъзе қисмати роҳҳои пойтахт анҷом дода мешавад.