ХОҶАГИИ НАВТАЪСИС САРШУМОРИ ҚУТОСҲОРО ЗИЁД МЕКУНАД

Душанбе, 2 декабр. (АМИТ «Ховар»,  Лаззат Диловарзод).- Ба гуфтаи сардори хоҷагии  фермерии  «Булункӯл»  Эсеналӣ Жолукеев татбиқи барномаи қутоспарварӣ имкон дод,   ки ин ҳайвони нодир аз нобудшавӣ нигоҳ дошта шавад. Хоҷагии фермерии  «Булункӯл»  соли 2006  дар заминаи хоҷагии давлатии зотпарварии  «Булункӯл» таъсис ёфт. Боиси зикр аст, ки дар хоҷагии зотпарварии «Булункӯл» соли 1970  12 ҳазор сар қутос парвариш карда мешуд. Саршумори қутос дар хоҷагии зотпарварии  «Булункӯл»  то соли 1999 ба 8600 сар расид. Танҳо соли 2000 — ум камшавии саршумори  қутосҳо дар фермаҳои кутоспарварии Башгумбез ва  Аличул пешгирӣ шуд. Хоҷагии фермерии «Булункӯл»  вақти таъсисёбиаш соли 2000- ум ҳазор сар қутос дошт. Дар давоми ду соли фаъолияти хоҷагии навтаъсис саршумори қутосҳо ба 1600 сар расонида шуд. Ба гуфтаи  сарвари хоҷагӣ, то соли 2010 саршумори қутосҳо ба давраи соли 1970 баробар хоҳад шуд.