КОРШИНОСОН ЛОИҲАИ БАРНОМАИ СИЁСАТИ МУҲОҶИРАТРО БАРРАСӢ МЕКУНАНД

          Душанбе,  16  декабр.(АМИТ «Ховар»,  Фарангис  Раҳимова). –  17  декабр  дар  шаҳри  Душанбе  маҷлиси   гурӯҳи  коршиносони Кумитаи  иҷроияи  ИДМ  баргузор  мегардад, ки   дар  он   лоиҳаи  барномаи  сиёсати  муҳоҷират  дар  давлатҳои  аъзои  ИДМ  мавриди  баррасӣ  қарор  дода  мешавад. Аз  раёсати муҳоҷирати  ВКД  ҷумҳурӣ  ба  АМИТ «Ховар»  хабар  доданд, ки дар  маҷлис  коршиносони  соҳаи  муҳоҷирати  мамлакатҳои  ИДМ  ширкат  меварзанд.  Ҳадафҳои  асосии  сиёсати  давлатии  муҳоҷират  бартараф  сохтани   оқибатҳои  манфии  муҳоҷирати одамон,  танзими  муҳоҷират,  муҳайё  сохтани  шароит  барои   амалӣ  сохтани  ҳуқуқҳои  муҳоҷирон  ва эҳтироми  ҳуқуқу  манфиатҳои  онҳо  дар  давлатҳои  ИДМ  мебошад.