НАМОИШГОҲИ МОЛҲОИ СОДИРОТИИ ЧИН ДАР ДУШАНБЕ БАРГУЗОР МЕГАРДАД

          Душанбе, 11   декабр. (АМИТ «Ховар»,  Покиза  Маҳмадбекова). – Раиси  Палатаи  савдо ва  саноати  Тоҷикистон  Шариф  Саид  дирӯз  бо  раиси  Ҷамъияти  саҳомии «Ташкили намоишгоҳҳои  байналхалқии  Пекин»  Лай  Допин  мулоқот  кард. Ҳар  ду  ҷониб  паймон  карданд, ки   аз 25  то  30  майи  соли оянда  дар  шаҳри  Душанбе  намоиши  молҳои  содиротии  Чин  гузаронида  шавад. Бо  хоҳиши  ҷониби  Тоҷикистон,  ба  намоишгоҳ  корхонаю  ширкатҳои  калонтарини  истеҳсолкунандаи   маснуот,  коркарди  маҳсулоти  кишоварзӣ,  молҳои  сермасриф,  таҷҳизоти  саноатӣ  ва  масолеҳи  бинокории  Чин  даъват  карда  мешаванд.