НАШРИ АСАРҲОИ БЕҲТАРИНИ А.С.ПУШКИН ДАР МАСКАВ БА ЗАБОНИ ТОҶИКӢ

           Маскав, 2  декабр. АМИТ «Ховар»,   Ҳалима  Хушқадамова). — Маҷмӯаи  асарҳои  беҳтарини  адиби  шаҳири  рус А.Пушкин  дар  шаҳри  Маскав  ба  забонҳои тоҷикию  русӣ  чоп  шуд. Китоб  бо  нақшу  нигори  миллӣ  оро  дода шуда,  барои ҳаводорони   каломи  бадеъ  пешбинӣ  шудааст. Онро  Китобхонаи давлатии  умумироссиягии  адабиёти  хориҷии  ба  номи  М.Рудомано  бо  кӯмаки  Бунёди  байнидавлатии  ҳамкории гуманитарии  ИДМ  нашр  намуд. Мухбири  АМИТ «Ховар»  хабар  медиҳад, ки  китоби  мазкур  барои   гузаронидани   шабнишиниҳои  гуногун  бахшида ба  эҷодиёти  шоир  ба  китобхонаҳои Тоҷикистон  фиристода  мешавад. Китоб  ҳамчунин  барои  адибону  олимони  соҳаи  адабиёт,  тарҷумонҳо  ва  муаллимон  пешбинӣ  шудааст.