ОЗМУН БАРОИ МАҚОЛАИ БЕҲТАРИН ДАР МАВЗ ӮИ БЕМОРИИ СИЛ

               Душанбе, 22 декабр. (АМИТ «Ховар», Бекназари Абӯбакр). — Вазорати тандурустии Ҷумҳурии Тоҷикистон ва Лоиҳаи «ХОУП» — Барномаи мубориза бо бемории сил дар Тоҷикистон, ки аз ҷониби Агентии ИМА оид ба рушди байналмилалӣ (USAID) маблағгузорӣ мегардад, ҷиҳати иштироки воситаҳои ахбори оммаи ҷумҳурӣ дар озмун барои мақолаи беҳтарин дар мавзӯи бемории сил озмун эълон мекунад.               Аз хадамоти матбуоти Вазорати тандурустӣ ба АМИТ «Ховар» иттилоъ доданд, ки чорабинии мазкур бо дастгирии Барномаи миллии мубориза бо бемории сил ташкил карда шудааст.              Бояд гуфт, ки маблағи умумии ҷоизаҳои озмун 1000 доллари ИМА буда, он байни се нафар тақсим карда хоҳад шуд. Матолиб то 20-уми марти соли ҷорӣ қабул карда мешаванд.