ТОҶИКИСТОН АЗ МАМЛАКАТИ ҲАМСОЯ ГАЗ МЕХАРАД

         Душанбе,  17 декабр. (АМИТ «Ховар», Мавзуна  Бойева). –  Ҳайати  намояндагони  Тоҷикистон  таҳти  роҳбарии  директори  генералии  Корхонаи  воҳиди  давлатии «Тоҷикгаз» Фатҳиддин  Мӯҳсиддинов  аз  сафари  Тошканд  баргашт. Намояндагони  Тоҷикистон  бо  ҳамкасбони  худ аз  Ӯзбекистон  дар  бораи  интиқоли  газ  аз  ин  мамлакат  ба  Тоҷикистон  дар  давоми  соли 2009   гуфтушунид  карданд. Муовини  аввали  директори  генералии «Тоҷикгаз» Шавкат  Шоимов  ба  мухбири  АМИТ «Ховар»  гуфт, ки  Тоҷикистон  соли  2009  аз  Ӯзбекистон  650  миллион  метри  мукааб  газ  хариданист. Аммо ҷониби  Ӯзбекистон  танҳо  ба  фурӯши  550  миллион  метри  мукааб  газ розӣ  шудааст. Қайд  карда  шуд, ки ҷониби  Ӯзбекистон  дар  бораи  нархи  фурӯши  газ то  ҳол  қарори   муайян  қабул  накардааст.