ВАЗОРАТИ МАОРИФ КИТОБҲОИ ДАРСИРО БА ИҶОРА МЕДИҲАД

            Ҷалолиддини Румӣ, 15 декабр. (АМИТ «Ховар», Сулаймон Холов).- Мувофиқи маълумотномаи мушовири Шӯъбаи маорифи ноҳияи Ҷалолиддини Румӣ Б. Ғафуров, ба хонандагони макотиби таҳсилоти умумии ноҳия ба миқдори 227 125 нусха китоби дарсӣ дастрас карда шудааст, ки маблағи 837 777 сомонию 29 дирамро ташкил медиҳад. Бояд зикр намуд, ки китобҳо барои се сол ба иҷора дода шуда, маблағи умумии иҷоравияшон бештар аз 410 990 сомониро ташкил медиҳад.  — Аз маблағи номбаршуда 130 056 сомониву 67 дирам ба суратҳисоби махсуси Вазорати маорифи Ҷумҳурии Тоҷикистон пардохт шудааст,- омадааст дар маълумотномаи Б. Ғафуров.