ДАР ПОЙТАХТ АЗ СОКИНИ НОҲИЯИ ВОСЕЪ ЗИЁДА АЗ 34 КИЛОГРАММ АФЮН МУСОДИРА ГАРДИД

                                                                 Душанбе, 16 январ. (АМИТ «Ховар», Мавҷуда Давлатзода).- Кормандони Раёсати мубориза бар зидди гардиши ғайриқонунии маводи нашъаовари ВКД-и Ҷумҳурии Тоҷикистон дар пойтахт сокини ноҳияи Восеи вилояти Хатлон Тоҷиддин Қарчиеви 27-соларо барои интиқол ва фурӯши маводи нашъадор дастгир намуданд. Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, ки ҳангоми азназаргузаронӣ аз борхалтаи дастгиршуда зиёда аз 34 килограмм афюн ёфт ва мусодира гардид. Оид ба ҳодисаи мазкур парвандаи ҷиноӣ боз гардида, тафтиш идома дорад.