IFC БА ҶОРИКУНИИ КОДЕКСИ ИДОРАКУНИИ КОРПОРАТИВӢ ДАР ОМ МУСОИДАТ МЕКУНАД

Январь 26, 2009 15:07

                Душанбе, 26 январ. (НИАТ «Ховар», Фарангис Раҳимова). — Ташкилоти Байналхалқии Молиявӣ (IFC), узви гурӯҳи ташкилотҳои Бонки умумиҷаҳонӣ, тавассути омузонидани малака барои таҳияи кодекси идоракунии корпоративӣ барои шахсони алоқаманд дар Осиёи Марказӣ таҷрибаи кодекси корпоративиро ҷори карда истодааст. Ҳафтаи гузашта дар шаҳри Бокуи Ҷумҳурии Озарбойҷон семинари аввалини Авроосиё оид ба таҳияи кодекси идоракунии корпоративӣ баргузор гардид.                 Дар чорабинӣ намояндагони созмонҳои ҳукуматӣ ва сохтори хусусӣ аз Тоҷикистон, Озарбойҷон, Гурҷистон, Қазоқистон ва Қирғизистон ҷамъ омаданд. Семинар якумин чорабинӣ барои мусоидат кардан ба рушди кодекси идоракунии корпоративӣ дар минтақа бо дарназардошти таҷрибаи ҳам минтакавӣ ва ҳам байналхалқӣ буд.  Коршиносони соҳаи идоракунии корпоративӣ аз Олмон, Африка, Болгария ва Форуми Глобалии Идоракунии  Корпоративӣ аз таҷрибаи амалии худ ба иштирокчиён нақл карданд.                Пас аз семинар иштирокчиён аз Ҷумҳурии Тоҷикистон қарор доданд, ки дар кишвар мизи мудавваре ташкил намуда, ба он барои баррасии таҳияи Кодекси миллии идоракунии корпоративӣ намояндагони Ҳукумати ҶТ, сохторҳои хусусӣ, иттиҳодияҳои ҷамъиятӣ ва дигар шахсони алоқамандро даъват намоянд.                Соли 2007 IFC бо мақади рушди таҷрибаи ширкатҳои саҳҳомӣ, бонкҳо ва кӯмак ба онҳо дар пешрафти фаъолият ва тавоноӣ баҳри ҷалби сармоя ва маблағгузорӣ Лоиҳаи Идоракунии корпоративиро дар Осиёи Марказӣ оғоз намуд. То имрӯз Лоиҳа ба зиёда аз 1,100 нафар аз тақрибан 300 ширкат дар Қазоқистон, Тоҷикистон ва Қирғизистон оид ба рушди таҷрибаи идоракунии корпоративӣ машварат расонид ё омӯзонид                IFC (Корпоратсияи Байналхалқии Молиявӣ), узви гуруҳи ташкилотҳои Бонки умумиҷахонӣ, ба мардум барои аз байн бурдани камбизоатӣ ва беҳтар намудани зиндагиашон кӯмак мерасонад. Тавассути дастгирии рушди сохтори хусусӣ ва сафарбаркунии сармояи хусусӣ, инчунин расонидани машварат ва хизмат оид ба идораи хавф ҳам ба сохтори хусусӣ ва ҳам ба ҳукуматҳо ба рушди устувори иктисодӣ мусоидат мекунад. Инвеститсияи IFC дар соли молиявии 2008 16.2 млрд доллари ШМА-ро ташкил дод, ки нисбат ба соли гузашта 34% зиед мебошад.    

Январь 26, 2009 15:07

Хабарҳои дигари ин бахш

Имрӯз дар шаҳри Душанбе ҳаво то 37 дараҷа гарм мешавад
Имрӯз дар водиҳои Тоҷикистон ҳаво то 37 дараҷа гарм мешавад
Дар пиряхҳои Помири Шарқӣ ва Марказӣ таҳқиқоти илмӣ-саҳроӣ гузаронида шуд
Имрӯз дар ноҳияҳои кӯҳии Тоҷикистон эҳтимол раъду барқ ба амал ояд
«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
Имрӯз дар шаҳри Душанбе ҳаво то 38 дараҷа гарм мешавад
Доир ба мактаби сиёсию давлатдории Пешвои миллат китоб ба нашр расид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Бо донишҷӯёни ғолиби Стипендияи байналмилалии Президенти Ҷумҳурии Тоҷикистон «Дурахшандагон» вохӯрӣ доир гардид
Сокинони ноҳияи Рашт туҳфаи Пешвои миллат — «Шоҳнома»-и безаволро дастрас намуданд
Толорҳои алоқа дар Тоҷикистон бештар мегарданд
Имрӯз дар водиҳои Тоҷикистон ҳаво то 39 дараҷа гарм мешавад