МАБЛАҒИ ХАРИДУ ФУРӮШИ МОЛ БО РУСИЯ МЕАФЗОЯД
Душанбе, 22 январ. (АМИТ «Ховар», Покиза Маҳмадбекова). — Раиси Палатаи савдо ва саноати Ҷумҳурии Тоҷикистон Шариф Саид зимни иштирокаш дар маҷлиси Шӯрои тиҷоратии Созмони ҳамкории Шанхай дар шаҳри Шенчжени Ҷумҳурии Мардумии Чин бо раиси Шӯрои тиҷоратӣ, муовини раиси Шӯрои Федератсияи Русия Дмитрий Мезенсев мулоқот кард. Зимни мулоқот масъалаҳои ривоҷ додани муносибатҳои тиҷоратию иқтисодӣ муҳокима шуданд. Қайд карда шуд, ки маблағи хариду фурӯши мол дар байни Тоҷикистону Русия соли 2008 ба бештар аз 1 миллиард доллари ИМА расид. Мусоҳибон ба масъалаҳои сиёсати сармоягузорӣ, бунёди корхонаҳои муштарак дар соҳаҳои гуногуни иқтисодиёт дахл намуданд. Шариф Саид пешниҳод кард, ки дар Тоҷикистон намоишгоҳҳои маҳсулоти корхонаю ширкатҳои минтақаҳои гуногуни Русия ва мулоқоти тоҷирону соҳибкорони ҳар ду кишвар гузаронида шаванд. Д.Мезенсев зикр намуд, ки анъанаи хуби аз Тоҷикистон ба Русия фиристодани сабзавоту мева ва маҳсулоти дигари кишоварзӣ давом дода шавад. Баъдан проблемаи муҳоҷирати меҳнатӣ, дастгирии коргарони муҳоҷири тоҷик, бо кор таъмин намудани онҳо ва ҳифзи ҳуқуқҳои иҷтимоии мардикорон дар қаламрави Русия баррасӣ карда шуд.
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
