МУЛОҚОТ БО МУОВИНИ МУНШИИ УМУМИИ СААД

          Душанбе, 13 январ. (АМИТ «Ховар», Наргис Бойахмедова).- Котиби Шӯрои амнияти Ҷумҳурии Тоҷикистон Амирқул Азимов дирӯз дар Душанбе бо муовини Муншии умумии  Созмони аҳдномаи амнияти дастаҷамъӣ А.Базавлюк мулоқот кард, ки барои боздиди корӣ ба Тоҷикистон омадааст. Аз вазорати мудофиа ба АМИТ  «Ховар»  хабар доданд, ки дар ҷараёни мулоқот масъалаҳои марбут ба ташаккули роҳу воситаҳои ташкили мубориза ба муқобили таҳдидҳо ва  зуҳуроти замони ҳозира дар доираи СААД мавриди баррасӣ қарор гирифтанд. Мусоҳибон ҳамчунин масъалаҳои рӯзномаи иҷлосияи навбатии созмонро муҳокима карданд, ки соли равон дар Маскав баргузор мегардад.