НАҚШАИ ГЕНЕРАЛИИ ШАҲРУ НОҲИЯҲОИ ҶУМҲУРӢ ТАРТИБ ДОДА

                 Душанбе, 22 январ. (АМИТ «Ховар», Мавзуна Бойева). — Директори Агентии сохтмону меъмории назди Ҳукумати Ҷумҳурии Тоҷикистон Абдувалӣ Комилов дар ҷараёни нишасти матбуотӣ ба журналистон хабар дод, ки то имрӯз нақшаҳои генералии 15 шаҳру ноҳияи мамлакат тасдиқ карда шуд. Ба қавли ӯ, нақшаҳои генералии ноҳияҳои Ваҳдат, Кӯлоб ва Ҳисор тасдиқ карда шудаанд ва нақшаҳои генералии қисми марказии шаҳри Хуҷанд ва ноҳияи Шаҳринав дар арафаи анҷомёбӣ қарор доранд. Мутахассисони агентӣ айни ҳол нақшаҳои генералии ноҳияи Балҷувон ва шаҳри Дарбандро муҳокима менамоянд.                А.Комилов афзуд, ки мутахассисони пажӯҳишгоҳҳои лоиҳакашии сохтмон соли равон ба таҳияи нақшаҳои генералии ноҳияҳои Ванҷ, Рӯшон, Тавилдара, Ҷиргатол ва шаҳрҳои Турсунзода, Қӯрғонтеппа, Истаравшан ва Хоруғ шурӯъ хоҳанд кард.                                                                                                                                                  Тарҷумон — Қудратов А.