БАРОИ КИШТИ ПАХТА 120 ТОННА ЧИГИТ ЗАХИРА КАРДА ШУД

                    Душанбе, 20 феврал. (АМИТ «Ховар», Лаззат Диловарзод).- Бино ба иттилои сардори идораи кишоварзии ноҳияи Турсунзода И.Ҷамоатов, корхонаи пахтаи ба номи Ҳасан Манонови шаҳр 1207 тонна пахтаи «Репродуксияи 2»-ро барои кишт коркард намуда, 692 тонна чигити тухмӣ захира намуд.                    Ҳоло дар анбори корхонаи пахтатозакунии шаҳри Турсунзода 120 тонна чигити навъи «65-24 репродуксияи 2» бо заҳрхимикати «Бронетак» заҳролуд карда шуда, барои кишти «Ҳосил-2009» нигоҳ дошта мешавад.                    Бояд зикр намуд, ки соли 2008 ба ҳамаи мушкилот нигоҳ накарда, ҳосили пахта дар хоҷагиҳои «Намуна» ва «Ҳақиқат»- и ноҳия ба 20- 22 сентнерӣ расонида шуд.