ДАСТАИ МУНТАХАБИ ТОҶИКИСТОН ОИД БА ФУТБОЛ ЯК ЗИНА ПОЁН ШУД

                 Душанбе, 12 феврал.(АМИТ «Ховар», Пайрав Назаров). Дастаи мунатахаби Тоҷикистон оид ба футбол дар феҳристи Федератсияи байналмилалии футбол (FIFA), ки 11-уми феврал нашр кард, як зина поён шуд. Ҳоло дастаи Тоҷикистон дар байни 207дастаи миллии кишварҳои ҷаҳон дар зинаи 147-ум (146) қарор гирифтааст.                 Дар садри феҳристи FIFA дастаи миллии Испания, қаҳрамони Аврупо-2008, қарор гирифтааст. Олмон дар ҷои дуввум ва Ҳуланд дар ҷои севум мебошанд. Итолиё, қаҳрамони феълии ҷаҳон 4-ум аст. Миёни даҳ тими беҳтарини ҷаҳон, инчунин, Бразилия, Аргентина, Хорватия, Инглистон, Русия ва Туркия ҷойгир шудаанд.