ПИРӮЗИИ ВАРЗИШГАРИ ТОҶИК ДАР БИШКЕК

                Душанбе, 12 феврал. (АМИТ «Ховар», Пайрав Назаров).- Дар шаҳри Бишкеки Ҷумҳурии Қирғизистон мусобиқаи байналмилалӣ оид ба гуштии самбо, ки ба хотираи гиромидошти сарбози интернатсионалист Виталий Гордеев гузаронида шуд, ба анҷом расид.                Паҳлавони тоҷик Олим Зикаев дар вазни то 57 килограмм ҷои аввалро касб намуд ва бо медали тиллои мусобиқа мукофотонида шуд.               Шарафи варзиши тоҷикро дар ин мусобиқа намояндагони бошгоҳи марказии варзишии артиши Вазорати мудофиаи кишвар дар навъи самбои варзишӣ ҳимоя карданд.               Дар мусобиқа варзишгарони Қирғизистон, Қазоқистон, Русия, Тоҷикистон ва Ӯзбекистон ширкат варзиданд.