СОЛЕ КИ НАКӮСТ, АЗ БАҲОРАШ ПАЙДОСТ

                   Душанбе, 10 феврал. (АМИТ «Ховар», Лаззат Диловарзод).- Тибқи маълумоти фаврии Раёсати растанипарварии Вазорати кишоварзӣ дар назар аст соли ҷорӣ дар майдони 134 ҳазору 170 гектар кишти баҳорӣ гузаронида шавад.                   То 9-уми феврал дар ҷумҳурӣ ҳамагӣ дар майдони 11 ҳазору 985 гектар кишти баҳорӣ гузаронида шудааст, ки баробари 8,9 фоизи нақша мебошад. Бино ба иттилои ҳамин манбаъ кишти барвақтии баҳорӣ нисбат ба ҳамин давраи соли 2008 60,47 гектар зиёд аст.                   Дар ҷумҳурӣ майдони 1050 гектар зироатҳо, ки тирамоҳи соли 2008 кишт карда шудааст, бо ғизо таъмин карда шуд, ки ин баробари 8,2 фоизи замини киштро ташкил медиҳад.