ВАЗОРАТ РОҲИ ИНТЕНСИВИРО ПЕША МЕКУНАД

               Душанбе, 20 феврал. (АМИТ «Ховар», Лаззат Диловарзод).-Бино ба иттилои муовини аввали вазири кишоварзӣ Р.Амиров, Раёсати кишоварзии вилояти Суғд дастуру супоришҳои Сарвари давлат Эмомалӣ Раҳмон, ки дар Маҷлиси ҷамъбастии Ҳукумати ҷумҳурӣ 15- 16 январи соли ҷорӣ дода буд, сармашқи кори худ намуда, тасмим гирифтаанд, ки майдони кишти пахтаро ба 65 ҳазору 200 гектар расонида, онро нисбати дурнамои соли 2008 11ҳазору 370 гектар кам кунанд.               Роҳбарияти вилоят ва хоҷагиҳои пахтакор мақсад гузоштаанд, ки ҳосилнокии пахтаро дар соли 2009 ба 26,5 сентнерӣ расонида, зарари аз 11 ҳазору 370 гектар кам кардани замини киштро бо роҳи интенсивӣ пӯшонанд.