«ДАР ОРЗУИ ПАДАР» БО ЗАБОНИ ӮЗБЕКӢ АЗ ЧОП БАРОМАД

                  Душанбе, 28 март. (АМИТ «Ховар», Лутфия Эшонқулова).- Дар нашриёти «Истиқлол» аз аввали сол як қатор китобҳо ба табъ расиданд. Аз ҷумла, ба наздикӣ яке аз асарҳои беҳтарини нависандаи тоҷик Кароматулло Мирзоев «Дар орзуи падар» аз тарафи нависандаи ӯзбек Омонбой Ҷуманов тарҷума шуда, бо теъдоди 1000 нусха аз чоп баромад.                  Тавре ба мухбири АМИТ «Ховар» директори ташкилоти байналмилалии «Истиқлол» Латофат Кенҷаева хабар дод, акнун хонандагони ӯзбек низ метавонанд аз хондани ин асари безавол баҳравар гарданд.                  Л. Кенҷаева зикр намуд, ки боз 30 китоби нав барои кӯдакону наврасон барои нашр омода ҳастанд ва бо пайдо шудани маблағи муайян онҳоро чоп хоҳанд намуд.