ДАРОМАДИ ПУЛИИ АҲОЛӢ МЕАФЗОЯД

                   Душанбе, 10 март. (АМИТ «Ховар», Лаззат Диловарзод).- Бино ба маълумоти Кумитаи давлатии омор, даомади пулии аҳолӣ дар моҳи январ-декабри соли 2009 нисбат ба ҳамин давраи соли 2008 бояд як баробар зиёд гардад.                   Ба бӯҳрони ҷаҳонии молиявӣ нигоҳ накарда, Ҳукумати ҷумҳурӣ бо мақсади беҳтар шудани даромади пулии аҳолӣ чорабиниҳои зиёдеро ба нақша гирифтааст. Бо ин мақсад аҳолӣ пеш аз ҳама ба ҷойҳои кори маоши баланддошта ба кор ҷалб карда мешаванд. Аз ин рӯ, ҳар моҳ дар марказҳои шаҳру ноҳияҳои ҷумҳурӣ ярмаркаи ҷойҳои холии кор гузаронида мешаванд.                  Бояд тазаккур дод, ки аз рӯи маълумоти Кумитаи давлатии омор дар соли 2008 даромади пулии аҳолӣ 851 млн. 320 ҳазор сомониро ташкил дод.