МУЛОҚОТ ДАР АГЕНТИИ НАЗОРАТИ МАВОДИ НАШЪАДОР

                   Душанбе, 31 март. (АМИТ «Ховар», Анварбек Сиддиқов). — Директори Агентии назорати маводи нашъадори назди Президенти ҷумҳурӣ Рустам Назаров дирӯз бо ҳайати Комиссияи баррасии барномаҳои самарабахш ва мақсаднок истифода бурдани кӯмакҳои ИМА барои мустаҳкам намудани сарҳадҳо мулоқот кард. Дар он натиҷаҳои фаъолияти агентӣ дар масъалаи ҳамкории он бо мақомоти дигари муҳофизи қонун ва сохторҳои интизомии ҷумҳурӣ дар масъалаи мустаҳкам намудани муҳофизати сарҳад ва тақвияти мубориза ба муқобили хариду фурӯши маводи нашъадор муҳокима карда шуданд.                   Р.Назаров ба меҳмонон дар бораи тадбирҳои Ҳукумати мамлакат дар соҳаи назорати маводи нашъадор ва фаъолияти мақомоти салоҳиятдори ҷумҳурӣ дар мубориза ба муқобили қочоқу гардиши ғайриқонунии маводи нашъадор маълумоти муфассал дод.