НАФАҚА БЕ ҚАРЗДОРӢ ТАЪМИН ГАРДИД

                    Душанбе, 10 март. (АМИТ «Ховар», Лаззат Диловарзод).- Дар татбиқи босамари сиёсати давлатии нафақа фаъолияти Агентии давлатии суғуртаи иҷтимоӣ ва нафақаи Вазорати меҳнат ва ҳифзи иҷтимоии аҳолии ҷумҳурӣ ҳама вақт дар мадди аввал меистад.                   Соли 2008 корхонаю муассисаҳо ба буҷаи Агентии давлатии суғуртаи иҷтимоӣ барои пардохти нафақаи иҷтимоӣ 479 млн.437,1 ҳазор сомонӣ маблағ ворид гардид.                     Бо афзудани андозаҳои талаботи моҳонаи пардохти нафақа, ки аз 24,7 млн. то ба 45,1 млн. зиёд гардидааст, нигоҳ накарда, кормандони соҳаи андоз ва нафақа тавонистанд низоми пардохти моҳ ба моҳи нафақаро таъмин созанд. Ин буд, ки соли 2008 бе қарздорӣ таъминоти нафақа ҷамъбаст гардид ва дар соли 2009 сиёсати таъмини нафақа боз беҳтар хоҳад шуд,-иброз доштанд дар дар Вазорати меҳнат ва ҳифзи иҷтимоии аҳолӣ ба мухбири АМИТ «Ховар».