СОҲИБКОРОН АЗ АНДОЗҲОИ МАҲАЛЛӢ ОЗОД МЕШАВАНД?

                      Душанбе, 28 март.(АМИТ «Ховар», Марзия Саидова).-Минбаъд соҳибкорони ватании дар пойтахт буда, ки дар шаҳр ба сохтмон ва бунёди муассисаҳои соҳаи маориф ва тандурустӣ машғул мешаванд, аз андозҳои маҳаллӣ, аз ҷумла андозҳо аз амволи ғайриманқул, фурӯши чакана ва соҳибони воситаҳои нақлиёт озод карда мешаванд.                     27 март дар ин хусус дар иҷлосияи 17-уми Маҷлиси вакилони халқи шаҳри Душанбе даъвати сеюм қарор қабул карда шуд.                     Ин иқдом мегӯяд раиси шаҳри Душанбе Маҳмадсаид Убайдуллоев, бо мақсади ҳимоя ва дастгирии давлатии соҳибкорӣ ва ҳавасмандгардонию танзими фаъолияти субъектҳои соҳибкории ватанӣ дар пойтахт амалӣ гардонида мешавад.