ҲАЛОКАТИ РОНАНДА

                  Бадахшон, 24 апрел. (АМИТ «Ховар», Лутфишо Додо).- Соати 11-и рӯзи 22 -юми апрел ронандаи автомобили УАЗ-469 рақами давлатиаш 062 91 РТ 01 Амиргулхон Ҳайдарови 68 сола, истиқоматкунандаи деҳаи Намангути ноҳияи Ишкошим ҳангоми ҳаракат аз самти маркази ноҳияи Ишкошим ба тарафи шаҳри Хоруғ дар километри 53 дар мавзеи Бижур аз уҳдаи идораи автомашина набаромада, аз баландии 22 метр ба ҷарӣ меафтад. Ронанда дар ҷои воқеа ҳалок ва се нафар мусофир дар беморхонаи марказии вилоят бистарӣ шуданд.