ҶАШНВОРАИ НАХУСТИНИ ҶАЗ ДАР ДУШАНБЕ БАРГУЗОР МЕГАРДАД

                Душанбе, 22 апрел. (АМИТ «Ховар», Таҳмина Ғоибназарова). — Дар шаҳри Душанбе аз 30 апрел то 3 май ҷашнвораи нахустини санъати ҷаз баргузор мегардад. Дар он ҳунарпешагони Озарбойҷон, Қирғизистон, Туркманистон, Ӯзбекистон ва Тоҷикистон ширкат меварзанд.                  Хабар дода мешавад, ки дар ин ҷашнвора дастаҳои ҳунарии «Мизроб» аз Тоҷикистон, «Гурӯҳи рақсии ҷаз» аз Озарбойҷон, «Солённые орешки» аз Қирғизистон, «Арвона» аз Туркманистон ва «Арсхон» аз  Ӯзбекистон иштирок хоҳанд кард.Барномаи ҷашнвора намоиши се консерти умумиро дар Театри давлатии драммавии ба номи В.Маяковский ва Консерваторияи миллии Тоҷикистон ба номи Т.Сатторов дар бар мегирад. Дар рӯзҳои ҷашнвора барои ҳаводорони санъати ҷаз мулоқоту лексияҳо ва машғулиятҳои назариявӣ гузаронида мешаванд.Ташкилкунандагони ҷашнвора ният доранд, ки минбаъд онро ҳар сол баргузор созанд.