БОЗ ЯК ҚАЛЛОБ БА ДАСТ АФТОД

                 Душанбе, 22 апрел. (АМИТ «Ховар», Лаззат Диловарзод).-Кормандони Раёсати мубориза бар зидди ҷиноятҳои муташаккили Вазорати умури дохилаи Ҷумҳурии Тоҷикистон сокини деҳаи Ҷарқӯрғони ноҳияи Истаравшан Тӯйчибой Хидировро барои қаллобӣ парвандаи ҷиноӣ кушоданд. Мавсуф бо роҳи фиреб аз ҳамсояи худ С. Умаров 20 ҳазор доллар барои 50 сотих замин гирифта ба ӯ ҳуҷҷатҳои қалбакӣ тартибдодаро пешниҳод кардааст.                 Ҳангоми тафтишот маълум гардид, ки Т.Хидиров ғайр аз Умаров боз як сокини ноҳияи Истаравшанро фиреб дода аз ӯ 20 ҳазору 500 доллар ба даст овардааст.                 Имрӯз замин, ки як воситаи беҳ сохтани зиндагӣ мебошад, бо ҳар роҳ мардум кӯшиш мекунанд то порчаи заминеро ба даст оранд, ин кӯшишҳо онҳоро хоҳу нохоҳ ба доми фиреби дигарон мебаранд.