БУНЁДИ 5 МАКТАБ

                      Бадахшон, 24 апрел. (АМИТ «Ховар», Лутфишо Додо).- Ба бӯҳрони шадиди молиявии ҷаҳонӣ нигоҳ накарда, дар ВМКБ соли ҷорӣ 5 мактаб бунёд карда мешвад. Тавре садри Кумитаи иқтисод ва равобити хориҷии мақомоти маҳаллии ҳокимияти давлатии вилоят Латиф Шоҳзодаев иттилоъ дод, барои бунёди иншооти мақомоти иҷроияи маҳаллии ҳокимияти давлатии вилоят дар соли 2009 маблағи 3,8 млн. сомонӣ ҷудо намудааст. Ин маблағҳо дар бунёди макотиби деҳаҳои Лухчи ноҳияи Дарвоз, Жовиди ноҳияи Ванҷ, Нисури ноҳияи Рӯшон, Бодоми ноҳияи Роштқалъа, Зимудги ноҳияи Ишкошим равона карда мешаванд. Соли ҷорӣ ҳамаи онҳо мавриди истифода қарор дода хоҳанд шуд.