ДЕҲОТИ НОҲИЯИ ҲИСОР СОҲИБИ БАРҚИ ДОИМӢ ХОҲАНД ШУД

               Душанбе, 8 апрел.(АМИТ «Ховар», Лаззат Диловарзод).- Бино ба иттилои раиси ноҳияи Ҳисор Муҳаммадалии Очилдӣ, дар сурати дастгирии соҳибкорону аҳолии маҳаллӣ дар дарёҳои Хонақоҳу Рағоба имкони сохтани 50 адад нерӯгоҳҳои хурди барқи обӣ вуУҷд дорад.               Ҳоло дар ноҳияи Ҳисор 7 адад нерӯгоҳҳои хурд дар деҳаҳои Лолагӣ, Хонақоҳ, Арҷинаки Боло, Арҷинаки Поён, Шамал ва ғайра фаъолият доранд.               Бояд тазаккур дод, ки зимистони соли ҷорӣ мардуми ин деҳаҳо як соат ҳам аз барқ танқисӣ надоштанд. Дар маркази ноҳия бошад, сокинонаш азоби бебарқӣ мекашиданд.               Аҳамияти нерӯгоҳҳои хурди барқи обӣ аз он аст, ки хароҷоти сохтмониаш дар бадали 100 рӯз пӯшонида мешавад.