МУЛОҚОТИ Э. РАҲМОН БО РАИСИ КУМИТАИ ОЛИМПИИ ОСИЁ

                Душанбе, 8 апрел. (АМИТ «Ховар», Темур Бандишоев). — Ин лаҳзаҳо мулоқоти Президенти Ҷумҳурии Тоҷикистон Эмомалӣ Раҳмон бо раиси Кумитаи Олимпии Осиё Шайх Аҳмад Ассабоҳ Алфаҳод давом дорад. Зимни сӯҳбат масъалаҳои рушди муносибатҳои дуҷонибаи Тоҷикистон бо Кумитаи Олимпии Осиё муҳокима карда мешаванд. Раиси Кумитаи Олимпии Осиё дар фарҷоми сӯҳбат ба Эмомалӣ Раҳмон, ки раиси Кумитаи миллии Олимпии Ҷумҳурии Тоҷикистон мебошад, барои саҳми калонаш дар рушди ҳаракати олимпӣ дар қитъаи Осиё Ордени Кумитаи Олимпии Осиёро хоҳад супурд.                 Хабар дода мешавад, ки Сарвари давлати Тоҷикистон имрӯз бо ҳайати кумитаҳои парлумони Аврупо таҳти роҳбарии Она Ювкяничен мулоқот хоҳад кард. Тарҷумон — Қудратов А.