ОҒОЗИ МАЪРАКАИ ДАЪВАТИ БАҲОРИИ ҶАВОНОН
Кӯлоб, 3 апрел. (АМИТ «Ховар», Сулаймон Холов). — Мавсими даъвати баҳории ҷавонон ба сафҳои артиши Тоҷикистон оғоз гардид. Комиссариати ҳарбии шаҳри Кӯлоб ва мақомоти ҳокимияти маҳаллӣ имсол барои муташаккилона гузарондани маъракаи даъвати ҷавонон тадбирҳои судбахш меандешанд. Аз ҷумла, даъватшавандагон дар вазъияти ботантана ба маҳалли хизмат гусел карда мешаванд. Бояд гуфт, ки имсол ташрифи муовини сарвазири Тоҷикистон Руқия Қурбонова ва иштироки ӯ дар маросими ба истифода додани як мактаб ба рӯзи гусели наваскарон рост омад. Р. Қурбонова ба ҳайси раиси комиссияи ҷумҳуриявии даъват ба хизмати ҳарбӣ дар маъракаи имрӯза ширкат дошт. Р. Қурбонова, раиси шаҳри Кӯлоб Ҳамид Абдуллоев ва нотиқони дигар наваскаронро даъват карданд, ки барои ҳифзи марзу буми Ватан содиқона хизмат кунанд. Ба хотири баргузории аввалин гусел барномаи калони ҳунарӣ намоиш дода шуда, намоиши анвои маҳсулоти хӯрока ташкил гардид. Аз номи мақомоти ҳокимияти маҳаллӣ ба панҷоҳ нафар ҷавонон, ки либоси низомӣ ба бар хоҳанд кард либосҳои варзишӣ тӯҳфа карда шуд. Соли гузашта дар ташкили маъракаи даъвати ҷавонон ба хизмати ҳарбӣ камбудиҳои ҷиддӣ ҷой дошт. Бинобар ин ҳамаи кормандони комиссариати ҳарбии шаҳри Кӯлоб, аз ҷумла комиссари ҳарбии он полковник Зоиров аз вазифа сабукдӯш гардиданд. Имсол тибқи нақша, 250 нафар ҷавонон аз шаҳру ноҳияҳои Кӯлоб ба ҷузъу томҳои артиши Тоҷикистон фиристода хоҳанд шуд. Мо имсол ба маъракаи даъвати ҷавонон хеле хуб тайёрӣ дидем. Бинобар ин умед бастан мумкин аст, ки нақшаи даъвати ҷавонон ба хизмати ҳарбӣ сари вақт иҷро карда мешавад, гуфт комисари ҳарбии шаҳри Кӯлоб полковник Розиев.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
