ЧӮҶАҲОИ ЭРОНӢ ДАР МӮЪМИНОБОД

              Мӯъминобод, 4 май. (АМИТ «Ховар», Сулаймон Холов).-Дар ноҳияи Мӯъминобод соҳаи паррандапарварӣ рушд меёбад, гуфт, директори ҶСП «Якорча» Раҳматулло Амонов. Ӯ афзуд, ки ҳоло дар фабрикаи паррандапарварии ноҳия, корҳои таъмирии сехҳо идома дорад. Ҳамаи 16 сех ва биноҳои инкубатсия ба кор омода мегарданд. Ба гуфтаи ин манбаъ аз Ҷумҳурии Исломии Эрон ба фабрика 100 ҳазор чӯҷаи гуштӣ оварда мешавад. Метавон гуфт, ки бо дастгирии Ҳукумати Ҷумҳурӣ бо ёрии ширкати Эрон дар ноҳия соҳаи паррандапарварӣ рушд хоҳад ёфт. Айни ҳол, дар хоҷагиҳои шахсии ноҳия қариб 90 ҳазор сар мурғу мурғобӣ парвариш меёбанд- иброз дошт Раҳматулло Амонов.