ДАР ШӮРООБОД ҚОЧОҚЧИЁН НОБУД КАРДА ШУДАНД

              Шӯрообод, 5 май. (АМИТ «Ховар», Сулаймон Холов).-Дар ноҳияи Шӯрообод бо мақсади ҳимояи сарҳади давлатӣ, пешгирии убури ғайриқонунии сарҳад аз тарафи қисми низомии 2931-и Сарраёсати қушунҳои сарҳадии Кумитаи давлатии амнияти миллии ҶТ чораҳои амалӣ андешида мешавад. Раиси ноҳия Иброҳим Азизов вобаста ба ин мавзӯъ гуфт: «Дар семоҳаи аввали соли ҷорӣ задухӯрд бо қочоқчиёни мусаллаҳи афғон дар минтақаҳои марзӣ 4 нафар ба қатл расонида шуданд». Ҳамчунин дар ин муддат аз тарафи сарбозону афсарони қисми низомии мазкур 241 кг 400 грамм канабис, 14 кг афён, 2 адад автомат ва 184 дона тир мусодира гардидааст. Бо вуҷуди тадбирҳои андешидашуда вазъи сарҳади давлатӣ дар ҳудуди ноҳияи Шӯрообод ҳамоно муташанниҷ боқӣ мемонад- афзуд Иброҳим Азизов.