ШАБИ ЭҶОДИИ Ш. САЙФУДДИНОВ

               Душанбе, 5 май. (АМИТ «Ховар», Лутфия Эшонқулова).-5 май дар Донишкадаи ҳунарҳои зебо шаби эҷодӣ бахшида ба 80-солагии оҳангсози номии тоҷик Шарофиддин Сайфуддинов баргузор мегардад. Шаби эҷодӣ бо дастгирии Вазорати фарҳанги ҶТ ташкил карда мешавад. Дар он намояндагони зиёиёни мамлакат, дӯстону шогирдон, ҳамкорон, ҳамсинфон ва аҳли оилаи оҳангсоз иштирок менамоянд. Иштироккунандагон дар бораи ҳунар, зиндагӣ ва фаъолияти оҳангсоз Ш. Сайфуддинов сухан меронанд.              Ҳунармандон дар ҷамъомад аз асарҳои Ш. Сайфуддинов намунаҳо иҷро хоҳанд кард. Хотиррасон мекунем, ки Шарофиддин Сайфуддинов Ходими намоёни санъати Тоҷикистон ва муаллифи нахустин операи миллӣ- «Пулод ва Гулрӯ» мебошад.