ЗАМИНҲОИ ХУДСАРОНА ИШҒОЛШУДА БАРГАРДОНИДА ШУДАНД

                       Душанбе, 20 май. (АМИТ «Ховар», Лаззат Диловарзод).- Бино ба иттилои роҳбари дастгоҳи раиси ноҳияи Рӯдакӣ ҷиҳати татбиқи қарори раиси ноҳия «Дар бораи баргардонидани замини худсарона ишғолшуда» 53,7 га замин ба ҳолати пешина баргардонида шуд.                       Комиссияи босалоҳияти таъсисдодаи ҳукумати ноҳия, заминҳои аз тарафи шаҳрвандон худсарона барои сохтмон ишғолкардаро дар деҳоти «Гулистон» ба андозаи 2, 70 га, деҳоти «Россия» майдони 42 га, деҳоти «Чоргултеппа» 5, 40 га, дехоти «Сарикиштӣ» 2,80 га, деҳоти -«Ҷимтеппа» 0, 20 га, деҳоти «Чоряккорон» 0, 60 га баргардонида дар ин заминҳо сохтмон қатъ гардонида шуд. Заминҳо аз сангу шағал тоза карда шуданд, ки 52,06 гектари онро заминҳои обӣ ташкил медиҳанд