ЗАРАРИ БОРИШОТИ ТӮЛОНӢ
Душанбе, 5 май. (АМИТ «Ховар», Наталя Михайлова). — Боронҳои тӯлонии рӯзҳои охир ба иқтисодиёти мамлакат зарари калон расонд. Аз ҷумла, дар ноҳияи Варзоб дар натиҷаи фуромадани сангу хок ва тарма 4 километр роҳи мошингард дар ҳудуди ҷамоати деҳоти Айнӣ хароб гардид. Рафту омади нақлиёт дар ин ҷо айни ҳол қатъ гардидааст. Бар асари омадани сел дар деҳаи Тошбулоқи ҳамин ноҳия ҳафт хоҷагии шахсӣ зарар дид. Соҳибони ҳавлиҳо ба ҷои бехатар кӯчонда шуданд. Дар ноҳияи Восеъ сатҳи оби дарёи Яхсу баланд шуда, 15 қитъаи заминро зер кард. Дар ҷамоати Лоҳури Эсанбой қитъаи калони роҳи мошингард ва се кӯпрук хароб гардид, дар ҳамин ҷо 500 метр роҳ дар зери хоку санг монд. Дар ноҳияи Шаҳринав низ сатҳи оби дарёи Қаротоғ баланд шуда, қитъаҳои замини наздисоҳилиро пахш намуд. Чунин вазъият дар ноҳияи Қубодиён низ мушоҳида мешавад. Бисёр маҳалҳои аҳолинишини минтақаи кӯҳистони ноҳияҳои Мӯъминобод ва Панҷ ҳам бар асари омадани сел зарар диданд. Хабар дода мешавад, ки бегоҳии дирӯз дар яке аз қитъаҳои роҳи мошингарди Душанбе — Норак сангрезии шадид ба амал омад. Дар ҳамаи ин маҳалҳо барои бартараф сохтани оқибати фалокат ситодҳои махсус ташкил карда шуданд.
Аз 22 то 24 декабр дар бештари ноҳияҳои Тоҷикистон фаромадани туман ва резиши қирав боқӣ мемонад
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
«Кока-Кола Нӯшокиҳои Тоҷикистон» ва Федератсияи футболи Тоҷикистон ҳамкории дарозмуддатро тасдиқ намуданд
