ҲАЙАТИ ШВЕЙСАРИЯ ДАР ТОҶИКИСТОН
Душанбе, 20 июн. (АМИТ «Ховар», Темур Бандишоев).- Ҳайати Раёсати рушду ҳамкории Швейсария таҳти роҳбарии муовини сардори шӯъбаи мамлакатҳои Аврупо ва ИДМ Хуберт Айзел ба шаҳри Душанбе ташриф овард. Аъзои ҳайат ба шаҳру ноҳияҳои водии Фарғона сафар карда, бо барномаҳои минтақавии марбут ба истифодаи об шинос хоҳад гашт. Ҳайати Швейсария дар Тоҷикистон бо ҷараёни иҷрои барномаҳои идора, ислоҳоти судӣ ва вазъияти соҳаи тандурустӣ шинос мегардад. Ҳадафи асосии сафари ҳайати Швейсария шиносоӣ бо вазъияти минтақа мебошад. Аъзои ҳайат зимни сафар бо мушовири давлатии Президенти Тоҷикистон дар масъалаҳои сиёсати иқтисодӣ Матлубхон Давлатов, директори Маркази таълимии кормандони соҳаи суд Қаноат Ҳамидова, роҳбарони намояндагиҳои мамлакатҳои мададгор дар Тоҷикистон ва ғайра мулоқот хоҳанд кард. Ҳайати Швейсария дар ҷараёни сафар бо роҳбарон ва ҳамоҳангсозони барномаҳои намояндагиҳои рушду ҳамкории ин мамлакат дар давлатҳои Осиёи Марказӣ барои муайян намудани барномаҳои муҳимтарин мулоқотҳо анҷом хоҳад дод.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
