БЕЛОРУСИЯ БА ТОҶИКИСТОН КЎМАКИ ХАЙРИЯ МЕРАСОНАД

                    Душанбе, 19 июн. (АМИТ «Ховар», Наталя Михайлова).- Ҳукумати Ҷумҳурии Белорусия ба қарибӣ дар бораи расондани кӯмак ба Тоҷикистон вобаста ба боришоти тӯлонии аввали фасли баҳори имсола ва бартараф сохтани зарари онҳо қарор қабул карда буд. Кӯмаки хайрияи ин мамлакат бо ҳавопаймои махсуси нақлиётӣ баъди чошти имрӯз ба Душанбе оварда мешавад. Кӯмаки хайрияи Белорусия аз кампалҳои гарм, консерваҳои гӯшт, ширқиём, шакар, собун ва ғайра иборат аст.                    Вазоратҳои вазъияти фавқулодда ва корҳои хориҷии Белорусия хароҷоти интиқоли кӯмаки хайрияро ба зимма гирифтаанд. Кӯмаки хайрияро намояндагони Агентии захираҳои давлатии моддии назди Ҳукумати Ҷумҳурии Тоҷикистон қабул хоҳанд кард.